Festival Groba

Organizado pola Fundación Groba coa Orquestra de Cámara Galega como orquestra en residencia, ofrece preto de oito concertos protagonizados por un ecléctico elenco de artistas nacionais e internacionais, que interpretan obras do mestre Groba e dos grandes compositores universais. Os concertos celébranse no Auditorio Municipal Reveriano Soutullo e na igrexa do Convento de Canedo, e a entrada é gratuíta. O festival, que combina concertos, clases maxistrais e formación de novos músicos, é unha das citas de música culta máis salientables da provincia.