ENIL Barciademera

Trátase dunha área fluvial na que priman dous hábitats: o bosque de ribeira de ameneiro e unha carballeira termófila na que predominan o carballo e o loureiro, con áreas integradas na Rede Natura 2000. A Xunta iniciou os trámites para a súa declaración como ENIL a partir dunha memoria elaborada polo concello, co fin de preservar os seus valores naturais e garantir a súa correcta xestión e conservación. Constitúe un dos espazos de maior valor ecolóxico do municipio, ligado ao conxunto patrimonial de Barcia de Mera.