Festa da Temporada

Durante dúas xornadas, a localidade énchese de música en directo -jazz, swing-, postos de artesanía, zona gastronómica con food trucks, obradoiros de baile da época (swing, lindy hop), xogos tradicionais, representacións teatrais, catas de auga e de viño e exhibicións deportivas de aire retro como o Lawn Tenis. Os restaurantes súmanse con menús especiais. É unha proposta cultural e lúdica de inspiración vintage, pensada para todos os públicos, que recupera o espírito da «Belle Époque» que fixo célebre a Mondariz-Balneario.