Fonte de Troncoso

As súas augas, recoñecidas no século XIX polas súas propiedades medicinais, impulsaron o nacemento do famoso balneario que deu nome e proxección internacional á vila; en 1873, xunto coas da Gándara, foron declaradas de utilidade pública. O edificio que a acolle foi proxectado polo arquitecto Antonio Palacios. Considerada o corazón histórico e identitario de Mondariz-Balneario, é un elemento patrimonial de primeira orde, aínda que precisa de rehabilitación.