Museo de escultura ao aire libre situado no lugar de Redondelo, na parroquia de Tortoreos, en As Neves, sobre a ladeira do monte Coto do Facho, a uns 184 metros de altitude.

Nun afloramento granítico álzanse varias obras de estilo moderno realizadas en distintos materiais. A máis representativa é «O Xigante», figura en cemento de Mario Iglesias González que representa a un xigante contemplando o val do Miño. Complétase con «Punto de partida», catro portas de aceiro de Carlos Tejo que simbolizan os puntos cardinais.

place España

Parque do Redondelo