Curro da Paradanta

Constitúe unha das manifestacións etnográficas máis vivas da comarca: os cabalos que viven en liberdade na serra son baixados en tropel ata o curro, un cercado onde se procede ao seu saneamento, marcaxe e ás transaccións entre os gandeiros. A xornada, num enclave natural de gran beleza preto da Franqueira, combina o traballo coa besta cunha romaría festiva chea de colorido, música tradicional e gastronomía. É unha celebración de fonda raizame que perpetúa o vínculo ancestral das xentes da Paradanta cos cabalos do monte.