Parque-balneario situado a un quilómetro escaso do centro de A Cañiza, na ladeira do Monte Pedroso, cunha superficie duns 15.500 metros cadrados.

O lugar xira arredor dun manancial de augas mineromedicinais de carácter ferruxinoso, declaradas de utilidade pública en 1996, ás que tradicionalmente se lles atribuíron propiedades beneficiosas. O parque, rodeado dun bosque de carballos, castiñeiros e cedros, foi cedido ao concello e aberto ao público en 2020 como espazo de paseo e descanso. Combina así o interese natural e paisaxístico co valor histórico da tradición termal e mineromedicinal da zona.

Parque das Augas férreas