Festa do Churrasco

No Campo da Feira ten lugar a gran churrascada, na que se preparan toneladas de churrasco de porco e tenreira, acompañado de pemento, pan e viño a prezo popular, que se reparte tanto neste espazo como nos locais de hostalaría. A xornada inclúe a misa solemne e procesión en honra a Santiago, acompañada pola Banda de Música de Mondariz, a Mostra de Produtos de Covelo e de Artesanía, e actuacións de charangas, grupos tradicionais e orquestras. Milleiros de persoas escollen Covelo para celebrar o día de Santiago nun gran ambiente festivo e gastronómico.